!! هلاو للمرة الثالثة أي تلث هلاوات ياناس يا عالم
مر 20 يوم على تحدي اتقان اساسيات برنامج الريفيت المعماري يلة انوافيكم باخر المستجدات
اني حاليا بالمرحلة الثانية حسب الخطة وهي مرحلة عمل الموديل كان المفترض اكملها ب10 ايام بس اكتشفت بيها هواي معلومات وصارت عندي مشاكل ويوم مكدرت اشتغل فحزيد الفترة الى 14 يوم
طبعاا دااستخدم نفس المصادر تكدرون تتطلعون عليها بالمدونات السابقة بس مرات توكف عندي شغلات اثناء التطبيق فاضطر ادورعلى حل مثلا بالادرج واجهت مشكلة يطلع بس خطوط او يطلع مقلوب وحليتها من خلال اليوتيوب تكدرون تطلعون على الفديو1 والفديو2
: اما الاشياء الجديدة اللي اتعلمتها فتشمل
- تطبيق الـisolate/hide
- تعديل الـ Materials
- - فكرة عن الـ Object Style
- - استخدام الـ Match Type
- رسم اللارضيات
- رسم الادرج
- رسم الجدران وانواعها
- رسم الشبابيك
- رسم تفاصيل الواجهة (السقيفة ، الفتحات)
واخيراا اني فرحانة كلش بالتقدم الحققتة خلال الايام المضت وناوية اشد الهمة اكثر بالايام القادمة وحضيف فديو مسرع لشغلي 👇😁بالايام الفاتت يوضح كلشي استمتعوا بي
تقريبا دياخذ مني التحدي كل يوم 3 ساعات على البرنامج وناوية ازيد عدد الساعات لان لازم اكمل الخطة خلال الوقت المتبقي
اما اخرااا فاني مستمرة بالتحدي ان شاء الله ومتأكد حكدر اكمل خلال الوقت المحدد وممتنة جدا النفسي لان اني انسانة مجتهدة و احب اتعلم كلشي بايدي(معتمدة اعتماد كامل على نفسي )وابحث واتعب حتى اوصل للمعلومة
تعليقات
إرسال تعليق