تحدي ال29 يوم - اليوم العاشر
!! هلاوللمرة الثانية اي هلاوين ياناس يا عالم
بعد 10 ايام من تحدي اتقان اساسيات برنامج الريفيت من الجانب المعماري كدرت اكمل المرحلة الاولى وهي تعلم اساسيات البرنامج وبديت بالمرحلة الثانية (عمل الموديل) وحضيف فديو مسرع لشغلي تكدرون تطلعون علية
اعتمدت على اليوتيوب كلشي بي واي برنامج تردون تتعلموا موجودة كورسات كومةة مجانية بس ابحث واختار اللي يناسبك بدون دورات وصرف اني اتفرجت هواية فديوات بس عجبتني القناة م. محمد حكام وداطبق عليها مشروع البيت باقي المصادر موجودة بالمدونة الاولى تكدرون تتطلعون عليها اكيد مرات توكف عندي شغلات اثناء التطبيق على البرنامج ابقى ادور الها حل على الكوكل بس يحتاج صبر و وقت اني كمعدل دااشتغل 3 ساعات باليوم كخطوة اولى اتفرج الفديو واحاول اطبق ويا واهم شي اسجل ملاحضاتي بدفتر حتى اكدر ارجعلها من يوكف عندي شي وبعدها من احس روحي سيطرت احاول افتح البرنامج واطبق اللي اتعلمتة كخطوة ثانية
:اما الاشياء اللي اتعلمتها فكانت
- تنصيب البرنامج من الموقع الرسمي
- تعلم اساسيات وواجهة البرنامج
- الرسم ثنائي الابعاد باستخدام البرنامج
- تعلم كيفية تحضير وضبط ملف الاوتوكاد وتصديرة لبرنامج الريفيت
- شرح اعدادات الطوابق وضبطها
- view range ضبط ال
- visibility /Graphicضبط
- Select &move ضبط
- Floor types
- Snap override
- بديت التطبيق على (مشروعي الاول بالريفيت ) =
اني كلش فرحانة واخيرا داتعلم البرنامج بدون تأجيل ومماطلة وماشية ضمن خطة محددة وناوية استمر بيها واخيراً وليس آخراً ممتنة جدا لمرتضى وفريقة نفر نفر حفزوني انجز اكثر والتزم والاهم اشاركم التقدم الديصير وياية وعليه قررت كل شهراتعلم شي جديد واشاركم بي هنا عالمدونة ( بالمناسبة تكدرون اتابعون احساب مرتضى ممتع جدا ومفيد جدا والاهم بدون تباهي)
ودمتم سالمين
تعليقات
إرسال تعليق